AFP
Прэзідэнт ЗША Барак Абама, выступаючы перад журналістамі ў Дэлі ўсклаў адказнасць за эскалацыю канфлікту на ўсходзе Украіны на Маскву і паабяцаў узмацніць ціск на Расію.
Злучаныя Штаты, паводле яго слоў, «глыбока занепакоеныя апошнім парушэннем перамір'я і агрэсіяй, якую гэтыя сепаратысты з расійскай падтрымкай, расійскім абсталяваннем, расійскім фінансаваннем, расійскай трэніроўкай і расійскімі войскамі працягваюць».
Абама падкрэсліў, што ЗША зацікаўленыя не ў паслабленні Расіі ці разбурэнні яе эканомікі, а ў «захаванні аднаго асноватворнага прынцыпу, а менавіта: вялікія краіны не маніпулююць меншымі краінамі».
«І мы працягнем ўвасабляць той падыход, да якога мы звярталіся раней, гэта значыць узмацняць ціск на Расію, і я разгледжу іншыя магчымасці, каб спыніць ўзброенае супрацьстаянне і вырашыць гэтую праблему», — паабяцаў амерыканскі прэзідэнт.
