Пасьля інтэрвію зь сябрам Аб’яднанай грамадзянскай партыі, эканамістам Паўлам Данейкам у Менску былі затрыманыя журналісты Ўладзімер і Галіна Самойлавы і тэлеапэратар Валер Булдык. У выніку затрыманьня і надгляду рэчаў прадстаўнікі міліцыі канфіскавалі апаратуру.
Пасьля інтэрвію зь сябрам Аб’яднанай грамадзянскай партыі, эканамістам Паўлам Данейкам у Менску былі затрыманыя журналісты Ўладзімер і Галіна Самойлавы і тэлеапэратар Валер Булдык. У выніку затрыманьня і надгляду рэчаў прадстаўнікі міліцыі канфіскавалі апаратуру.
Група журналістаў запісвала 12 студзеня інтэрвію з Паўлам Данейкам. Сустрэча праходзіла ў Менску, у яго дома. Тэкставы варыянт гутаркі меркавалася друкаваць у тыднёвіку «Налоговый курьер предпринимателя», а відэасюжэт — прапанаваць адной з тэлевізійных кампаній, піша Camarade online.
Тэма інтэрвію больш чым актуальная. Несанкцыянаваны мітынг, які правялі 10 студзеня на Кастрычніцкай плошчы каля 3 тысячаў прадпрымальнікаў, гаворыць пра тое, што рынкавыя рэформы ў краіне праходзяць, мякка кажучы, са скрыгатам. У праблемах трансфармаваньня плянавай эканомікі ў рынкавую Павал Данейка — адзін з найбольш дасьведчаных адмыслоўцаў.
Выйшаўшы зь ягонага дому пасьля заканчэньня сустрэчы, журналісты не пасьпелі выклікаць таксі, паколькі амаль адразу да іх падышлі двое ў цывільным у суправаджэньні капітана міліцыі.
— Вашы дакумэнты!
— Калі ласка. У чым справа?
— Атрыманая апэратыўная распрацоўка пра тое, што ў гэтым доме адбыўся крадзеж. Чыя гэта апаратура?
— Мая, — адказала Галіна Самойлава. — Я — прафэсійны апэратар, рыхтую сюжэты для розных тэлекампаній.
— У вас ёсьць дакумэнты на яе?
— Вядома, але з сабой я іх не важу. У гэтым няма аніякай неабходнасьці. Да таго ж, Павал Данейка можа пацьвердзіць нашыя асобы і тое, што мы працавалі менавіта ў яго. Увайшлі ў дзьверы і выйшлі празь іх!
Выкліканы па мабільным тэлефоне Павал Данейка пацьвердзіў, што ні пра які крадзеж у дадзеным выпадку ня можа быць і гаворкі. Сустрэча агаворвалася загадзя, і ён добра ведае журналістаў. Але на супрацоўнікаў органаў гэта не зрабіла ніякага ўражаньня. Журналістаў адвезьлі ў аддзяленьне Цэнтральнага РУУС, дзе быў праведзены надгляд іх асабістых рэчаў.
Допыт працягваўся каля трох гадзінаў. У выніку ўсю апаратуру, відэакасэты, фотаапарат забралі. На пытаньне, ці будзе апаратура вернутая, нічога пэўнага не адказалі:
«Калі здолееце давесьці, што яна належыць менавіта вам, і што інтэрвію здымалася легальна».
Дарэчы, прадстаўнікоў у цывільным больш за ўсё цікавіла пытаньне, ці не рабілася інтэрвію для незалежнай беларускай тэлекампаніі «Белсат».
Цяпер чытаюць
Памятаеце палітвязня Вітухноўскага, які пайшоў ваяваць за Расію? Ён ужо загінуў9
Каментары