З безвыходнай сітуацыяй звярнуліся ў рэдакцыю Onliner.by жонкі Юрый і Анастасія Герасімук з Брэста. У іх сям'і ўжо тры гады адважна змагаецца за жыццё малодшая дачка Злата. Дзяўчынка нарадзілася з цяжкім парокам сэрца. Зараз выратаваць малую можа дасведчаны хірург Віктар Храшке з нямецкага кардыяцэнтра «Асклепіас». Кошт жыцці дзяўчынкі — €45 000.
Злата была жаданым дзіцем у сям'і. Але на трэція суткі пасля родаў Герасімукі сутыкнуліся з сапраўднай бядой: у дзяўчынкі выявілі шум у сэрцы. Потым УГД пакажа, што ўсяму віной пашыпаны парок. Месяцы кропельніц, аналізаў, расшыфровак кардыяграм, складаная аперацыя па звужэнні лёгачнай артэрыі.
— «Як ваша дзяўчынка наогул яшчэ жывая з такім сэрцам!» — вось што сказалі нам лекары ў менскім цэнтры, — успамінае Анастасія Герасімук. — Але наша двухмесячная на той момант Златка ўсіх здзівіла! Пры яе складаным дыягназе яна змагалася за жыццё, як маленькі салдат.
Наступныя месяцы праходзілі ў напружаным чаканні. Злаце павінны былі зрабіць аперацыю, але лекары адцягвалі яе з-за тэхнічнай складанасці закрыць усе дэфекты ў дзіцячым сэрцы. У гісторыі хваробы так і пісалі — «падабенства швейцарскаму сыру».
Аперацыю ў вынікі прызначылі на ліпень 2014 года. Але яна не адбылася. Высветлілася, што ў беларускіх медыкаў бракуе хірургічнай практыкі ў такім відзе парока. Бацькі Златы не здаваліся: высылалі аналізы дачкі ў многія клінікі Расіі, Літвы, Германіі. Нарэшце доктар нямецкага дзіцячага кардыяцэнтра пагадзіўся зрабіць, як гэта называецца на медыцынскай мове, радыкальную карэкцыю на сэрцы. Фактычна пагадзіўся выратаваць дзяўчынку.
— Зараз самая галоўная праблема — гэта вялікая сума, якую трэба сабраць у пачатку лютага. €45.000 — менавіта столькі каштуе аперацыя. І яшчэ €15 000 трэба, каб аплаціць знаходжанне Златы ў клініцы пасля хірургічнага ўмяшання. Мы робім усё, каб сабраць гэтыя грошы, але за такі тэрмін самастойна нам не справіцца. Большую частку сумы мы ўжо сабралі. Дзякуй людзям! Адпраўляюць грошы на разліковы рахунак і нават у канвертах дасылаюць. Хто колькі можа: па 50 000 рублёў, па 100 000. Так і сабралася вялікая сума. Мы не перастаем спадзявацца на дапамогу і велікадушнасць людзей, — кажуць бацькі Златы.
Давайце адгукнемся на добрую справу! Грошы для малой Златы вы можаце пералічыць на дабрачынныя рахункі. Аперацыю трэба рабіць менавіта цяпер, як мага хутчэй, інакш стан дзяўчынкі непапраўна пагоршыцца.
