Дзмітрый Яраш, які пасля ранення ў руку праходзіць лячэнне ў днепрапятроўскай лякарні ім. Мечнікава, прагназуе, што Расійская Федэрацыя хутка разваліцца.
Пра гэта ён заявіў у інтэрв'ю «Нація.інфо», апублікаваным у Facebook.
«У мяне нават няма ў тым сумневаў. Гадоў 10-20, і той імперыі ўжо не будзе. Расейцы будуць мець сваю нацыянальную дзяржаву», — адзначыў Яраш.
Ён таксама заклікаў расейцаў і жыхароў акупаваных украінскіх тэрыторый не баяцца прыехаць ва Украіну на тлумачальную гутарку.
«Гарантую бяспеку, спакойна пагутарым. Я нікога не з'ем і кроў іх дзяцей не вып'ю», — сказаў лідар ПС.
Паводле яго слоў, Украіна ваюе на Данбасе ў імя справядлівасці, свабоды і дабрабыту ўкраінскага народа.
«Гэта святая вайна украінцаў. І мы яе выйграем, чаго б гэта ні каштавала», — упэўнены Яраш.
Цяпер чытаюць
На вайне ва Украіне загінуў былы дырэктар двух аршанскіх заводаў4
Каментары