Заір Азгур |
Да юбілею народнага мастака ў Нацыянальнай бібліятэцы адкрылася экспазыцыя, у якую ўвайшло каля 200 дакумэнтаў.
Сярод іх — альбомы, кнігі, каталёгі, часопісы й фатаграфіі, рэпрадукцыі, паштоўкі, а таксама экспанаты з Мэмарыяльнага музэю Азгура.
Народны мастак Беларусі й СССР Заір Азгур быў шматгранным чалавекам. Скульптар вядомы і як аўтар 5 кніг і больш як 500 артыкулаў. За 70 гадоў творчасьці ім створаная багатая галерэя вобразаў гістарычных і сучасных постацяў, спаміж якіх палітычныя і культурныя дзеячы, героі Вялікай Айчыннай вайны, людзі працы.
Цяперашняя выстава знаёміць наведнікаў з Заірам Азгурам як ілюстратарам і рэдактарам выданьняў па беларускім мастацтве.