Плаціць падаходны падатак з 1 студзеня трэба не толькі з зарплаты, але і з пазычаных грошай. Напрыклад, у суседа або замежнага сябра.
Новаўвядзенне закране ў першую чаргу людзей, якія пры запаўненні дэкларацыі аб даходах і маёмасці растлумачаць, што кватэру ці машыну купілі за пазычаныя грошы. Пры гэтым пазыковая распіска можа быць аформлена хоць пяць гадоў таму.
Да такіх жа крэдытаў і пазык аднеслі даходы ад замежных арганізацый і прадпрымальнікаў. Як паведамілі ў ІМПЗ па Гродзенскай вобласці, выключэннем можа быць сітуацыя, калі ў доўг даў блізкі сваяк, апякун, папячыцель і падапечны. Дарэчы, пасля вяртання пазыкі падатак можна вярнуць. Для гэтага трэба напісаць заяву і прынесці падатковаму інспектару дакумент, які пацвердзіць вяртанне пазыкі. Новая дамова пазыкі для вяртання бягучага доўгу такім дакументам не лічыцца.
