Наваросія, іконы, касухі: «Начныя ваўкі» ладзяць паломніцтва «Белая Русь» ФОТЫ
Расійскія і беларускія байкеры з клуба «Начныя ваўкі» ладзяць «мотапаломніцтва» пад назвай «Белая Русь».
4 лютага яны стартавалі з Масквы і плануюць наведаць рэлігійныя аб'екты у Наваполацку, Бабруйску, Гомелі, Смаленску, Бранску.
У Мінск «Начныя ваўкі» не завіталі, але 6 лютага наведалі могілкі св. Валянціны Мінскай і Храм у гонар Свяціцеля Мікалая ў Станькаве, якому падаравалі ікону, прывезеную з Сербіі.
«Начныя ваўкі», якія з'яўляюцца адным з першых мотаклубаў на постсавецкай прасторы, вядомы ў асноўным сваёй «патрыятычнай» дзейнасцю лідара Аляксандра Залдастанава па мянушцы «Хірург».
Залдастанаў падтрымлівае цесныя адносіны з Пуціным і Кадыравым, цёпла выказваецца пра Сталіна і быў унесены ў санкцыйны спіс ЗША. Нядаўна «Хірург» стаў адным з ініцыятараў стварэння руху «Антымайдан», які мусіць абараніць Расію ад аранжавых рэвалюцый.
Каментары