112.by
У Глыбоцкім раёне маладая мама, ратуючы сябе і дзіця ад пажару, кінулася з акна другога паверха.
Пра гэта паведаміла прэс-сакратар Віцебскага абласнога ўпраўлення МНС Марына Фандо.
Днём 18 лютага паступіла паведамленне ад суседзяў аб пажары ў двухузроўневай кватэры двухпавярховага жылога дома ў мястэчку Падсвілле Глыбоцкага раёна.
У момант пажару маладая мама з дзіцем знаходзіліся ў пакоі на другім паверсе за шчыльна зачыненымі дзвярыма. Жанчына заўважыла, што ў доме пажар, калі пачула сігнал пажарнага апавяшчальніка і прыадчыніла дзверы. Спалохаўшыся за сябе і 9-месячнага сына, яна выскачыла з акна другога паверха, у выніку атрымала пашкоджанні, як і яе сын.
У гэты час дадому вярнуўся гаспадар.
Пабачыўшы агонь, дым і ведаючы, што на другім паверсе засталіся яго дачка і ўнук, ён кінуўся іх ратаваць, але ў выніку сам загінуў.
