Да 1 лютага 2008 года праект указа прэзідэнта Беларусі «Аб некаторых пытаннях долевага будаўніцтва» павінен быць дапрацаваны і ўнесены на подпіс кіраўніку дзяржавы. Адпаведнае даручэнне даў 21 студзеня Аляксандр Лукашэнка па выніках нарады, на якой абмяркоўвалася сітуацыя на рынку долевага будаўніцтва жылля ў рэспубліцы, паведамілі БЕЛТА у прэс‑службе беларускага лідэра.
У ліку запланаваных новаўвядзенняў — памер прыбытку забудоўшчыка не павінен перавышаць 5 працэнтаў ад каштарыснай вартасці аб’екта долевага будаўніцтва адносна жылля, што будуецца для грамадзян, якія знаходзяцца на ўліку маючых патрэбу ў паляпшэнні жыллёвых умоў. На жыллё для тых, хто такімі не з’яўляюцца, гэта норма не распаўсюджваецца.
Карэкціроўка цаны ў ходзе будаўніцтва магчыма толькі ў выпадку змянення ў адпаведнасці з заканадаўствам статыстычных індэксаў у сувязі з падаражэннем будаўніча‑мантажных работ або змянення заканадаўства аб выплаце ўскосных падаткаў.
Як варыянт разглядалася магчымасць павелічэння цаны на жыллё, якое будуецца, у адпаведнасці са змяненнем тэхнічных нарматыўных прававых актаў.
