«Сюды не зойдзеш, не сказаўшы «Жыве Беларусь» — беларускі пакой на перадавой пад Данецкам ФОТА
Фота Руты Пушкарчук
Памяшканне, у якім жывуць беларускія добраахвотнікі, якія ваююць на баку Украіны, паказала ў сваім Facebook Рута Пушкарчук, інфармацыйная супрацоўніца Правага сэктара.
«У Пясках на пазіцыі «Дом» есць пакой, увайсці ў які можа толькі сказаўшы «Жыве Беларусь» і ў адказ пачуўшы «Жыве вечна». На яе дзвярах напісана «БНР» — Беларуская Народная Рэспубліка», — піша Рута. Пяскі — амаль цалкам разбураная агнём расійскіх баевікоў вёска побач з былым Данецкім аэрапортам.
Жывуць у пакоі беларусы — байцы-добраахвотнікі Правага сектара.
«Тарас у вольны час грае на гітары, Ян працуе за швейнай машынкай (ён па адукацыі кравец). А калі побач з будынкам падаюць міны, яны хорам выгукаюць «Слава Украіне». Ян моцна сумуе па доме — ужо больш за год ён ваюе ва Украіне… », — дадае аўтар запісу.
Беларускія добраахвотнікі ва Украіне не утвараюць адзінага фармавання, а змагаюцца ў складзе розных батальёнаў пры Міністэрствах абароны і ўнутраных сіл, а таксама ў складзе непадкантрольнага дзяржаве Добраахвотнага украінскага корпусу Правага сектара (ДУК ПС).
Жонка агента-каханка Анжалікі Мельнікавай звязаная з арганізацыяй Руская мадэль эфектыўнага спакушэння21
Каментары