Паводле яго слоў, у канцы 2007 года перамовы ўвайшлі ў практычную стадыю, а цяпер можна гаварыць аб тым, што здзелка знаходзіцца ў працэсе завяршэння.
Як зазначыў І.Прохараў, у сувязі з заключэннем гэтай здзелкі будзе адкрыты першы ў Беларусі аўтагорад «Атлант‑М — Баравая». Ён размесціцца ў Мінску па адрасе: вуліца Баравая, 2 (раён развязкі вуліца Лагойскі тракт — Віцебская траса — Мінская кальцавая аўтадарога).
Аўтагорад «Атлант‑М — Баравая» пакуль складаецца з двух сучасных аўтацэнтраў, якія працуюць з маркамі «Ford» і «KIA» (замест «Nissan»). Абодва аўтацэнтры гатовы да прыёму першых наведвальнікаў.
Да 2011 года МАХ «Атлант‑М» плануе пабудаваць на тэрыторыі аўтагорада яшчэ адзін аўтацэнтр, перамовы па адкрыцці якога вядуцца з некалькімі аўтавытворцамі.
***
Міжнародны аўтамабільны холдынг «Атлант‑М» — найбуйнейшае ў СНД аб’яднанне кампаній, якія спецыялізуюцца на продажы, гарантыйным і сэрвісным абслугоўванні легкавых і камерцыйных аўтамабіляў, пастаўках запчастак. «Атлант‑М» заснаваны ў 1991 годзе ў Беларусі, цяпер валодае сеткай больш чым з 30 сучасных аўтацэнтраў і спецыялізаваных сэрвісных прадпрыемстваў. Гэта адзіны холдынг, які працуе ў найбольш буйных гарадах адразу трох рынкаў СНД — Расіі, Беларусі і Украіны.
