Reuters.com
Былая ўкраінская вайсковая лётчыца Надзея Саўчанка пагадзілася спыніць галадоўку. Яна будзе выконваць рэкамендацыі дактароў па падтрыманні стану здароўя, паведамляе ТАСС, спасылаючыся на Федэральную службу выканання пакаранняў (ФСВП).
Агенцтву распавялі ў ФСВП, што «сёння абвінавачаная Надзея Саўчанка пагадзілася выконваць рэкамендацыі дактароў па падтрыманні стану свайго здароўя і дала згоду на прыём курынага булёна».
Таксама ў ведамстве дадалі, што Саўчанка застаецца пад наглядам дактароў-спецыялістаў, таксама яна працягвае атрымліваць усю неабходную тэрапію.
Адвакат Надзеі Марк Фейгін паведаміў, што правярае інфармацыю, дадае Бі-Бі-Сі.
0
0
0
0
0
0
