Беларускія памежнiкi затрымалi незвычайную кантрабанду.
Паводле звестак прэс‑цэнтра Дзяржаўнага пагранiчнага камiтэта, паблiзу населенага пункта Дубок
, што на мяжы з Украiнай, невядомы пакуль грамадзянiн спрабаваў праз пункт спрошчанага пропуску ўвезцi на ровары партыю хвалiстых папугаяў. Аднак убачыўшы беларускiх памежнiкаў, кантрабандыст кiнуў свой «крылаты тавар» i ўцёк.
Памежнiкi налiчылi ў 6 клетках 277 папугаяў. Праўда, дзве птушачкi не вытрымалi такiх умоў утрымання (папугаi былi ўтрамбаваны ў клетках, як шпроты у бляшанках) i загiнулi. Астатнiя перададзены ў ветэрынарную службу. Прыметаў птушынага грыпу ў папугаяў не выяўлена…
0
0
0
0
0
0
