Свежае відэа MyithZ:
Будаўніцтва новага кампусу Apple, таксама вядомага як «Spaceship Campus» і «Campus 2», пачалося ў мінулым годзе, згадвае Macdigger.
Згодна з праектам, новы штаб кампаніі будзе мець форму «талеркі». У ім будуць працаваць 13 тысяч чалавек. Знешні радыус пабудовы — 250 метраў.
У склад комплексу увойдуць не толькі офісы, але і даследчыя лабараторыі, аўдыторыум і фітнэс-цэнтр. Паводле патрабаванняў уладаў, Apple захавае на тэрыторыі стары амбар — пабудова мае гістарычную каштоўнасць. Вакол будынка будзе разбіты парк на 60 гектараў.
Фота: KQED News
Першапачаткова кошт будаўніцтва «НЛА» закладаўся ў раёне 3 млрд даляраў (адна зямля каштавала 160-300 млн даляраў), але ўжо перавысіў 5 млрд.
Завяршэнне будаўніцтва запланаванае на наступны год. Мяркуецца, што будынак будзе атрымліваць электрычнасць выключна з аднаўляльных крыніц.
Праект кампуса. Выява Apple