Журы прэміі «Дэбют» імя Максіма Багдановіча вызначыла кароткі спіс намінантаў на атрыманне ўзнагарод гэтага літаратурнага спаборніцтва, паведамілі ў Беларускім ПЭН-Цэнтры.
Так, у намінацыі «Проза» прадстаўлены Віталь Воранаў з кнігай апавяданняў «Шэптам», Аляксей Палачанскі і яго празаічны зборнік «Мой цвік», а таксама Раман Свечнікаў з першай часткай дзённікаў падарожніка «Рома едзе».
За атрыманне прэміі ў галіне паэзіі пазмагаюцца Таццяна Нядбай са сваёй дэбютнай кнігай «Сірэны спяваюць джаз», Антон Рудак са зборнікам «Верхні горад» і Юлія Цімафеева з «Кнігай памылак».
Арганізатары літаратурнай прэміі паведамілі, што сёлета прэмія ў намінацыі «Пераклад» прысуджацца не будзе.
Абвяшчэнне фаварытаў прэміі і цырымонія ўзнагароджання адбудзецца вечарам 24 сакавіка ў філіяле Дзяржаўнага музея гісторыі беларускай літаратуры «Літаратурны музей Максіма Багдановіча» ў Мінску. Лаўрэаты прэміі атрымаюць прыз у выглядзе чэка на 30 млн беларускіх рублёў ад дабрачыннага фонду «Вяртанне».
Штогадовая прэмія «Дэбют» была заснаваная ў 2010 годзе Беларускім ПЭН-цэнтрам і Саюзам беларускіх пісьменнікаў пры падтрымцы бізнесмена Паўла Бераговіча. Прэмія ўручаецца аўтарам, якім не больш за 35 гадоў, за лепшыя дэбютныя творы ў жанрах прозы, паэзіі і мастацкага перакладу.
Цяпер чытаюць
«Гэта шлях адзіночкі». Беларус большую частку жыцця праводзіць у вандроўках — наведаў ужо амаль 500 аб’ектаў ЮНЕСКА7
Каментары