Судзьдзя салігорскага раённага суду Аляксандар Бураўцоў пакараў прадпрымальніцу Ларысу Насановіч 15 суткамі адміністрацыйнага арышту. Яе затрымалі ўчора на цэнтральнай плошчы Салігорску падчас збору подпісаў за адмену ўказу №760 А.Лукашэнкі, які забараняе прадпрымальнікам мець наёмных рабочых. Спн.Насановіч правяла ноч у ізалятары часовага ўтрыманьня.
Сьведкамі на судзе былі тры міліцыянты, а таксама два супрацоўнікі ўпраўленьня ідэалёгіі гарвыканкаму. На судзе дэманстраваўся відэазапіс учорашняй акцыі прадпрымальнікаў. Асудзілі Ларысу Насановіч па артыкуле 23.34 адміністрацыйнага кодэксу.
Прадпрымальнік Аляксандар Цацура таксама асуджаны на 15 сутак арышту.
0
0
0
0
0
0
