На сайце YouTube з'явілася відэа, на якім можна пабачыць спаборніцтвы ў незвычайнай дысцыпліне. Гэты від спорту не мае назвы, але яго можна апісаць як «перацягванне чоўна» па аналогіі з перацягваннем канату.
Сутнасць спаборніцтваў заключаецца ў тым, што каманды весляроў па 6 чалавек сядаюць у дрэганбот (вялікае каноэ на 20 месцаў) адна насупраць другой і вяслуюць у розныя бакі. Перамагае тая каманда, якая ссуне каноэ да пераможнай адзнакі.
Фота Ольштынскага клуба водных відаў спорту.
Чэмпіянат па «перацягванні чоўна» прайшоў у польскім горадзе Ольштын 21—22 сакавіка.
Фота Ольштынскага клуба водных відаў спорту.
Гонкі на дрэганботах — папулярны від воднага спорту ва ўсім свеце, аднак менавіта палякі прыдумалі «перацягваць» човен у басейне.
