Набліжаецца галоўнае свята вясны – Вялікдзень. Свята уваскрашэння Хрыста – галоўная ўрачыстасць для хрысціян усіх дэнамінацый, якая сімвалізуе перамогу духу над смерцю і злом.
Вялікія надзеі на ўваскрасенне свай мовы і культуры, нягледзячы на іх жалюгодны сённяшні стан, з гэтым святам звязваюць беларусы. Больш за 100 гадоў назад Сяргей Палуян пісаў: «Што гавораць табе званы, Беларускі Народ? Ці не віншуюць яны цябе і з тваім уласным вялікім святам?..Цябе катавалі. Ты цярпеў мукі, але не ўмёр. Глыбока, глыбока ты захаваў сваю душу. З вялікім святам віншую! З вялікім святам, Вялікі Беларускі Народ! — Хрыстос уваскрос».
Падчас велікоднай акцыі «ARCHE» можна танна, з вялікімі зніжкамі, замовіць цікавыя і грунтоўныя выданні на тэму беларускай гісторыі, мовы і культуры. Усяго на распродаж выстаўлена больш за 30 пазіцый.
Усе гэтыя выданні ў рамках распродажу можна замовіць з 25 сакавіка і да 20 красавіка 2015 г., даслаўшы электронны ліст на адрас [email protected]. Цана кожнага выдання (не ўключаючы кошту дастаўкі) пазначана непасрэдна пры кожнай пазіцыі. Дастаўка аднаго выдання, у залежнасці ад яго вагі, можа каштаваць ад 35 да 55 тысяч рублёў.
Магчыма кур’ерская дастаўка па Менску. Пры замове камплекта выданняў ад 5 асобнікаў дастаўка робіцца за кошт выдаўца.
Замаўляючы выданні, у полі «Тэма» пазначайце «Велікодны распродаж». У лісце, акрамя пераліку патрэбных выданняў, трэба пазначыць свае дакладныя каардынаты: паштовы адрас, індэкс, прозвішча і ініцыялы, і тэлефон для камунікацыі. Прапанова дзейнічае толькі на тэрыторыі Рэспублікі Беларусь.
ВЫДАННІ, ЯКІЯ ВЫСТАЎЛЯЮЦЦА НА РАСПРОДАЖ:
№ 10/2014 («Радзіма»; агульны аб'ём 476 старонак)
У гэтым нумары сабраныя матэрыялы, якія так ці інакш рэфлексуюць над тэмай роднага дому ці прынамсі нейкім бокам датыкаюцца яе.
Сярод аўтараў нумара: Рабэрта Баланьё, Сяргей Балахонаў, Таня Скарынкіна, Мікалай Халезін, Амас Оз,Эфраім Севела, Дзмітрый Гурневіч і інш.
Поўны змест нумара даступны ТУТ.
Цана — 40 000 рублёў.
№9/2014 («Гістарыяграфія 1920-х гадоў: «доўгае XIX стагодзьдзе»»; агульны аб'ём 429 старонак)
Нумар з’яўляецца лагічным працягам тоўстага № 7 часопіса за 2009 год «Гістарыяграфія 1920-х: Сярэднявечча і раннемадэрны час». Гэтым разам да ўвагі аматараў і знаўцаў беларускае гісторыі прапануецца панарама гістарыяграфіі 1920-х гадоў, прысвечаная наступнаму, асобнаму перыяду мадэрнай эпохі — нашаму «доўгаму ХІХ стагоддзю». Гэты том плануецца выдаць у дзвюх частках, гэту нумар – першая з іх. У яго ўвайшлі працы, прысвечаныя нацыянальным працэсам і сацыяльнай гісторыі. Пры гэтым аўтарамі асвятляецца гісторыя не толькі беларусаў, але і іншых этнічных груп нашага краю, у першую чаргу габрэяў і палякаў. Сярод аўтараў нумара: Аляксандр Шлюбскі, Леў Цвяткоў, Міхайла Піятуховіч, Уладзімір Пічэта, Даніла Васілеўскі, Міхаіл Мялешка, Ізраіль Сосіс, Г. Перлін, Саламон Кацэнбоген, Рыгор Рак, Янка Ляўчук.
Поўны змест нумара даступны ТУТ.
Цана — 40 000 рублёў.
№7-8/2014 («Заходняя Беларусь. Міжваенны перыяд»; агульны аб'ём 422 старонкі)
Заходнебеларуская спадчына — гэта шмат ў чым «нязручнае мінулае». Яно было такім у савецкі час, а з пэўнымі зменамі ды мадыфікацыямі застаецца і цяпер. Натуральна, дзякуючы высілкам акадэмічнай супольнасці, асабліва за апошнія 25 гадоў, было шмат зроблена для лепшага разумення і асэнсавання як міжваеннага перыяду ды вераснёўскіх падзей, так і асаблівасцяў ды месца Заходняй Беларусі ў пасляваеннай БССР. Шмат «белых плямаў», аднак, застаецца і сёння.
Поўны змест нумара даступны ТУТ.
Цана — 45 000 рублёў.
№6/2012 («Вайсковая гісторыя Вялікага Княства Літоўскага»; агульны аб’ём 494 старонкі)
У нумары прадстаўленыя даследаванні аўтараў з Беларусі (Мікола Волкаў, Віталь Каляда, Віктар Якубаў, Кірыл Карлюк, Наталля Сліж,), Польшчы (Анджэй Гжэгаж Пшэпюрка, Конрад Бабятынскі, Кшыштаф Касажэцкі, Пётр Кроль, Томаш Цясельскі, Марыюш Савіцкі, Анджэй Адам Маеўскі), Літвы (Валдас Ракуціс, Антанас Ціла, Раймонда Рагаўскене) і Расіі (Ірына Герасімава). У публікацыях асвятляюцца пытанні гісторыі асобных вайсковых адзінак і гарнізонаў, вайсковага заканадаўства ВКЛ, уплыву войнаў і вайскоўцаў на палітычныя і культурныя працэсы ў краіне. Шмат месца надаецца апісанню асобных бітваў, а таксама жыццяпісам найбольш выдатных тагачасных палкаводцаў. Упершыню ў гэтым нумары былі змешчаныя матэрыялы рэканструкцыі знешняга выгляду ваяроў ВКЛ XVII ст.
Поўны змест нумара даступны ТУТ.
Цана — 50 000 рублёў.
№ 7—8/2011 («Праз святы — да душы», агульны аб’ём 312 старонак)
У нумары разглядаецца тэма святочнай культуры Беларусі ў розных аспектах і з розных пунктаў гледжання.
Поўны змест нумара даступны ТУТ.
Цана — 35 000 рублёў.
№ 2/2013 («Гістарычная памяць і гістарычная палітыка ў Беларусі»; агульны аб’ём 487 старонак)
У нумары прадстаўленыя шматлікія і разнапланавыя матэрыялы беларускіх і замежных аўтараў, скампанаваныя па раздзелах «Палітыка памяці», «Гістарычная палітыка», «Гістарыяграфічная думка» і «Гістарычнае мінулае ў масавай свядомасці».
Поўны змест нумара даступны ТУТ.
Цана — 55 000 рублёў.
№6/2014 («Магнатэрыя Вялікага Княства Літоўскага»; агульны аб'ём 385 старонак)
У нумары асвятляюцца пытанні як зараджэння магнацкага стану ў ВКЛ, так і ягонага далейшага развіцця ды заняпаду. Артыкулы прысвечаныя як асобным яскравым постацям, так і гісторыі цэлых магнацкіх родаў, іх уладанняў ды спецыфічных інстытутаў, з імі звязаных. У нумары друкуюцца працы беларускіх (Ніна Скеп’ян, Наталля Сліж, Дзмітрый Віцько, Настасся Скеп’ян), літоўскіх (Рымвідас Пятраўскас, Гянуце Кіркене, Відас Далінскас, Рамуне Шмігельскіце-Стукене, Раймонда Рагаўскене) і польскіх (Томаш Кэмпа, Анджэй Адам Маеўскі, Адам Данільчык, Кшыштаф Касажэцкі, Марыюш Савіцкі, Аляксандра Зёбер).
Поўны змест нумара даступны ТУТ.
Цана — 45 000 рублёў.
№ 3/2014 («Віцебскія гісторыі»; агульны аб’ём 384 старонкі)
Гэты нумар цалкам прысвечаны Віцебску і яго тысячагадовай гісторыі. Як пішуць у прадмове яго ўкладальнікі, «Віцебск гістарычна мае памежны статус. За тысячагадовую гісторыю толькі два стагоддзі каля яго не прабягала мяжа. Увесь астатні час віцьбічы — на франціры, што наклікала на горад бедствы ад захопаў і акупацый. Тэма знішчэння, рамонту, аднаўлення і занядбання замкаў пастаянна падымалася жыхарамі Віцебска ў яго сярэднявечнай і раннемадэрнай гісторыі».
Поўны змест нумара даступны ТУТ.
Цана — 50 000 рублёў.
№ 4/2013 («Беларусь у цяні Палесся»; агульны аб’ём 640 старонак)
Нумар цалкам прысвечаны гісторыі і культуры Беларускага Палесся ў ХІХ—ХХІ стст. На яго старонках апублікаваныя матэрыялы па агульнай гісторыі рэгіёна і гісторыі асобных мясцовасцяў, біяграфічныя, этналагічныя і дэмаграфічныя даследаванні, успаміны.
Поўны змест нумара даступны ТУТ.
Цана — 60 000 рублёў.
№ 5/2012 («Гуманітарны агляд-ІІІ»; агульны аб’ём 283 старонкі)
Зборнік рэцэнзій і кніжных аглядаў па гісторыі, літаратуры, этналогіі, мовазнаўстве, мастацтве, кнігазнаўстве і іншых галінах гуманітарыстыкі. Сярод аўтараў нумара — Алесь Смалянчук, Аляксандр Пашкевіч, Дзмітрый Віцько, Андрэй Катлярчук і іншыя.
Поўны змест нумара даступны ТУТ.
Цана — 15 000 рублёў.
№ 4/2012 («Гуманітарны агляд-ІІ»; агульны аб’ём 308 старонак)
Зборнік рэцэнзій і кніжных аглядаў па гісторыі, літаратуры, этналогіі, мовазнаўстве, мастацтве, кнігазнаўстве і іншых галінах гуманітарыстыкі. Сярод аўтараў нумара — Генадзь Семянчук, Пётра Садоўскі, Іна Соркіна, Аляксей Каўка і іншыя.
Поўны змест нумара даступны ТУТ.
Цана — 15 000 рублёў.
№ 1—2/2012 («Беларусь эвангельская»; агульны аб’ём 331 старонка)
У нумары асвятляюцца разнастайныя аспекты гісторыі пратэстантызму на Беларусі з XVI ст. да нашых дзён.
Поўны змест нумара даступны ТУТ.
Цана — 20 000 рублёў.
№ 11/2011 («Беларускі гуманітарны агляд»; агульны аб’ём 504 старонкі)
У нумары друкуюцца разнастайныя арыгінальныя матэрыялы па гісторыі і літаратуры, шматлікія рэцэнзіі і кніжныя агляды.
Поўны змест нумара даступны ТУТ.
Цана — 40 000 рублёў
№ 9/2011 («Аўстрыя: ад імперыі да нацыі»; агульны аб’ём 455 старонак)
Нумар складаецца з разнапланавых тэкстаў розных жанраў, паказана развіццё аўстрыйскай дзяржавы, свядомасці, мастацтва, літаратуры ў вельмі драматычны прамежак часу — прыблізна за апошнія 100 гадоў. Асобная рубрыка пад назвай «Беларуская Аўстрыя» прысвечана розным аспектам беларуска-аўстрыйскіх сувязяў.
Поўны змест нумара даступны ТУТ.
Цана — 30 000 рублёў.
№ 5/2011 («Полацак: падарожжа ў прасторы і часе»; агульны аб’ём 412 старонак)
У нумар уключаныя шматлікія матэрыялы па гісторыі і культуры найстаражытнейшага беларускага горада, сярод аўтараў — Уладзімір Арлоў, Алег Латышонак, Алесь Краўцэвіч, Васіль Варонін, Сяргей Тарасаў, Віктар Жыбуль і інш.
Поўны змест нумара даступны ТУТ.
Цана — 30 000 рублёў.
№ 1—2/2011 («19 снежня 2010: Плошча»; агульны аб’ём 277 старонак)
Гэты нумар быў першай спробай па гарачых слядах комплексна ацаніць і праалізаваць тое, што адбылося ў Менску падчас апошніх прэзідэнцкіх выбараў. У матэрыялах, змешчаных у нумары, разглядаецца як перыяд, што папярэднічаў дню галасавання, так і падзеі Плошчы 2010 г., а таксама тое, што адбывалася пасля яе.
Поўны змест нумара даступны ТУТ.
Цана — 15 000 рублёў.
Месцкія ўлады Полацка (1580—1772 гг.): арганізацыя, персанальны склад (агульны аб’ём 198 старонак)
У кнізе разгледжаны арганізацыя, дзейнасць і персанальны склад месцкіх уладаў магдэбургскага Полацка ў канцы XVI — трэцяй чвэрці XVIII стст.
Поўны змест кнігі даступны ТУТ.
Цана — 99 000 рублёў.
«Летапісы і хронікі Беларусі. Сярэднявечча і раньнемадэрны час» (агульны аб’ём 903 старонкі)
Выданне ўтрымлівае тэксты практычна ўсіх вядомых на сённяшні дзень беларуска-літоўскіх летапісаў.
Поўны змест кнігі даступны ТУТ.
Цана — 55 000 рублёў.
Алег Латышонак, Яўген Мірановіч. «Гісторыя Беларусі ад сярэдзіны XVIII ст. да пачатку ХХІ ст.» (агульны аб’ём 368 старонак)
У абагульняльнай працы беластоцкіх гісторыкаў беларускага паходжання разглядаюцца асноўныя моманты гісторыі Беларусі апошніх двух з паловай стагоддзяў. Аўтары, нягледзячы на сваё польскае грамадзянства, адстойваюць перш за ўсё беларускі, а не польскі пункт гледжання на гістарычныя падзеі, але, паводле ўласнай дэкларацыі, без празмернага шанавання беларускіх гістарычных міфаў.
Поўны змест кнігі даступны ТУТ.
Цана — 45 000 рублёў.
Алесь Белы. «Хроніка Белай Русі» (агульны аб’ём 470 старонак)
Гэтая кніга — істотна перапрацаванае і дапоўненае перавыданне манаграфіі гэтага ж аўтара, выдадзенай у 2000 г. і прысвечанай гісторыі ўзнікнення хароніма «Белая Русь» ды яго паступовага дастасавання да тэрыторыі сённяшняй Рэспублікі Беларусь. У 2001 г. першае выданне кнігі было ўганаравана заснаванай Беларускім ПЭН-цэнтрам прэміяй імя Францішка Багушэвіча. Кніга багата ілюстраваная, у тым ліку і шматлікімі (усяго каля 50 штук) каляровымі ілюстрацымі.
Поўны змест кнігі даступны ТУТ.
Цана — 60 000 рублёў.
Аляксандр Краўцэвіч. «Краіна пагранічча» (агульны аб’ём 519 старонак)
У кнігу ўвайшлі выбраныя навукова–папулярныя, эсэістычныя і публіцыстычныя працы, напісаныя аўтарам на працягу апошніх трох дзесяцігоддзяў. Некаторыя з іх друкуюцца ў зборніку ўпершыню.
Паводле аўтара:
Край, які сёння называецца Беларусь, спрадвеку быў і застаецца краінай мяжы. Беларускае памежжа — з’ява шматпланавая і ўніверсальная. Яна пачынаецца ўжо ад самой прыроды. Тэрыторыя Беларусі — памежная раслінная зона, д зе гэтак званая еўрапейская тайга (сасновыя бары і яловыя гушчары) паступова пераходзіць у ліставы еўрапейскі лес. Мяжа водапад зелу паміж балтыйскай і чарнаморскай воднымі сістэмамі перасякае ўсю краіну вялікай дугой ад паўднёвага захаду да паўночнага ўсходу.
Поўны змест кнігі даступны ТУТ.
Цана — 55 000 рублёў.
Рымвідас Пятраўскас. «Літоўская знаць у канцы XIV — пачатку XV стагоддзя» (агульны аб’ём 386 старонкі), другое выданне
Гэтая праца літоўскага гісторыка — спроба сінтэзу персанальнай і сацыяльнай гісторыі Вялікага Княства Літоўскага. З аднаго боку, аўтар імкнецца вызначыць паходжанне літоўскай знаці і паказаць яе генеалагічнае развіццё, а з іншага боку спрабуе раскрыць структурны пералом унутры згаданай знаці, які адбыўся ў XV ст. Абедзве асноўныя праблемы разглядаюцца з улікам досведу еўрапейскай гістарыяграфіі.
Поўны змест кнігі даступны ТУТ.
Цана — 45 000 рублёў.
Марк Бартушка. «Партызанская вайна ў Беларусі ў 1941—1944 гг.» (агульны аб’ём 194 старонкі)
У кнізе нямецкага гісторыка даецца агляд дзейнасці розных партызанскіх фармаванняў на тэрыторыі акупаванай Беларусі ў 1941—1944 гг. Геаграфічныя межы, якія былі абраныя для гэтай працы, практычна ахопліваюць тэрыторыю сучаснай Беларусі, але пры гэтым разглядаюцца таксама падзеі ў рэгіёне вакол Вільні і на землях, якія ў 1939 г. увайшлі ў склад СССР, аднак пасля 1945 г. былі зноў перададзеныя Польшчы.
Поўны змест кнігі даступны ТУТ.
Цана — 40 000 рублёў.
Адам Станкевіч. «З Богам да Беларусі» (агульны аб’ём 1097 старонак)
У выданне ўключаныя асноўныя працы гэтага рэлігійнага і нацыянальнага дзеяча на гістарычна-культурную тэматыку, па гісторыі хрысціянства і хрысціянскага руху ў Беларусі, рэлігійнага і палітычнага характару, а таксама каляндарныя запісы, якія рабіліся А. Станкевічам з канца 1930-х гг. да сярэдзіны 1948 г. — унікальнае, цудам захаванае сведчанне пра лёсавызначальны для Беларусі і беларусаў час.
Поўны змест кнігі даступныТУТ.
Цана — 80 000 рублёў.
Конрад Бабятынскі. «Ад Смаленску да Вільні. Вайна Рэчы Паспалітай з Масковіяй (1654—1655 гг.)» (агульны аб’ём 168 старонак)
Кніга прысвечаная гісторыі ваеннага канфлікту, у выніку якога ўвосень 1655 г. амаль усю тэрыторыю Вялікага Княства Літоўскага разам з ягонай сталіцай Вільняй занялі войскі маскоўскага цара Аляксея Міхайлавіча. Гэта быў першы этап вялікай вайны, якая працягвалася ў 1654—1667 гг. і завяршылася толькі Андрусаўскім замірэннем 31 студзеня 1667 г.
Поўны змест кнігі даступны ТУТ.
Цана — 45 000 рублёў.
Балахоўцы: Сведчанні, дакументы, даследаванні (агульны аб’ём 470 старонак)
Аснову досыць аб’ёмнай (пад 500 старонак) публікацыі складае даследаванне эстонскага гісторыка Юрася Юркевіча «Стварэнне і дзейнасць Асобнага атрада БНР у Балтыі», прысвечанае спробам стварэння беларускіх вайсковых фарміраванняў у Балтыі цягам 1919 г., а таксама праца «Балахоўцы», напісаная сучаснікам падзей, польскім афіцэрам Станіславам Лісам-Блонскім у 1920-я гг.
Акрамя гэтага, у кнізе дадаткова змешчаныя некаторыя малавядомыя ўспаміны і дакументальныя сведчанні, датычныя жыцця і дзейнасці Станіслава Булак-Балаховіча і яго вайсковых фармаванняў, а таксама спіс усіх жаўнераў Асобнага атрада БНР па стане на канец 1919 г.
Выданне ілюстраванае, у тым ліку каляровымі ілюстрацыямі.
Поўны змест кнігі даступны ТУТ.
Цана — 50 000 рублёў
Ян Шумскі. «Саветызацыя Заходняй Беларусі (1944—1953 г.): Прапаганда і адукацыя на службе ідэалогіі» (агульны аб’ём 326 старонак)
У кнізе паказаныя перамены, якія адбываліся ў 1944—1953 гг. у жыцці і свядомасці жыхароў заходніх абласцей БССР, якія перад Першай сусветнай вайной уваходзілі ў склад Польшчы. На старонках выдання прадстаўлена даследаванне нацыянальнага, кадравага, культурна-асветніцкага і прапагандысцка-інфармацыйнага аспектаў працэсу саветызацыі на акрэсленых тэрыторыях.
Поўны змест кнігі даступны ТУТ.
Цана — 45 000 рублёў.
Ян Станкевіч. «За родную мову й праўдзівы назоў» (агульны аб’ём 742 старонкі)
Гэтая кніга з’яўляецца лагічным працягам дзвюх іншых грунтоўных зборнікаў мовазнаўчых і гістарычных прац гэтага аўтара, якія перад гэтым выдаваліся ў нашым выдавецтве: «Язык і языкаведа» і «Крыўя-Беларусь у мінуласьці». Новае выданне паводле зместу з папярэднімі не перасякаецца, яно змяшчае тыя працы Я. Станкевіча, якія ў 1910—1970-я гг. друкаваліся на старонках беларускага перыядычнага і неперыядычнага друку як у Беларусі, так і па-за яе межамі.
Поўны змест кнігі даступны ТУТ.
Цана — 50 000 рублёў.
Адам Бабарэка. Збор твораў у двух тамах (агульны аб’ём 1665 старонак)
Амаль што поўны збор твораў вядомага міжваеннага беларускага літаратуразнаўцы быў прызнаны лепшым кніжным выданьнем 2011 года паводле версіі газеты «Наша Ніва». Многія матэрыялы на старонках кнігі друкуюцца ўпершыню дзякуючы таму, што ў складаных варунках сталінскага тэрору 1930-х гг., ахвярай якога сярод многіх іншых стаў і Адам Бабарэка, ягонай сям’і ўдалося цудам захаваць рукапісны архіў пісьменніка і навукоўца (сітуацыя ў выпадку з рэпрэсаванымі беларускімі літаратарамі амаль унікальная).
Поўны змест выданняў даступны ТУТ і ТУТ.
Цана — 99 000 рублёў (за два тамы).
Антон Адамовіч. «Да гісторыі беларускае літаратуры» (агульны аб’ём 1464 старонак)
Выданне знаёміць чытача з малавядомымі старонкамі гісторыі беларускай літаратуры, асабліва праз творы эміграцыйнага перыяду, калі напоўніцу раскрыўся крытычны талент аўтара. Усяго ў зборнік уключаныя 48 даследаванняў.
Поўны змест кнігі даступны ТУТ.
Цана — 75 000 рублёў.
Зборнік беларусазнаўчых матэрыялаў «Скарыніч»
Зборнік беларусазнаўчых матэрыялаў, падрыхтаваны славутым беларускім культурным дзеячам з Масквы Аляксеем Каўкам. Сярод іншага друкуюцца тэматычныя падборкі матэрыялаў, прысвечаных Францішку Скарыну і Мікалаю Улашчыку, упершыню публікуецца эпісталярная спадчына розных беларускіх дзеячоў, выяўленая ў архівах Масквы, Санкт-Пецярбурга, Вільні, Мінска і іншых гарадоў.
Цана — 15 000 рублёў.
Алег Латышонак. «Жаўнеры БНР» (агульны аб’ём 373 старонкі)
Выданне змяшчае творы, у якіх разглядаюцца спробы стварэння беларусамі нацыянальных вайсковых фармаванняў у канцы 1910-х — пачатку 1920-х гг. Асноўную яго частку складае пераклад на беларускую мову фундаментальнай працы «Беларускія вайсковыя фармаванні: 1917—1923 гады», рэшту — комплекс артыкулаў пра жыццё і дзейнасць генерала Станіслава Булак-Балаховіча і пра асобныя старонкі ўзброенага змагання беларусаў за ўласную дзяржаву.
Поўны змест кнігі даступны ТУТ.
Цана — 45 000 рублёў.
