Аляксандр Гаюк, AFP
Кіраўнік самаабвешчанай Данецкай народнай рэспублікі Аляксандр Захарчанка выдаў указ, згодна з якім усе асобы, якія не з'яўляюцца супрацоўнікамі сілавых структур, абавязаны да 4 красавіка здаць зброю.
Пра гэта гаворыцца ў паведамленні міністэрства абароны ДНР, апублікаваным на сайце ўрада і «народнага савета» «рэспублікі».
Адзначаецца, што такія меры прынятыя для падтрымання правапарадку.
«На міністра ўнутраных спраў ДНР ускладзена выкананне мерапрыемстваў па затрыманні, раззбраенні і ізаляванні асоб, якія не выконваюць гэтыя патрабаванні», — адзначаецца ў паведамленні.
Тыя, хто ва ўстаноўлены тэрмін не здасць зброю і боепрыпасы, будуць прызнаныя ўдзельнікамі бандфарміраванняў.
0
0
0
0
0
0