Першы «Рыжскі дворык» («Рыжскi куток») у Беларусі будзе адкрыты на мінскім Камароўскім рынку, а аналагічны стэнд (крама) беларускіх тавараў — на Рыжскім цэнтральным рынку, паведаміў Delfi кіраўнік старшыня Камітэта гарадскога развіцця Рыжскай думы Максім Талстой.
Паводле яго слоў, напярэдадні ў рамках візіту дэлегацыі Рыжскай думы ў Мінск быў прэзентаваны праект стэндаў латвійскіх прадуктаў. Гэтая мадэль некалькі гадоў паспяхова адпрацавала ў Расіі, праект спыніўся з-за ўзаемных санкцый ЕС і Расіі.
Таму аўтары ідэі «Рыжскі дворык» актыўна шукаюць новыя рынкі. Канцэпцыя не прыжылася на захадзе.
Мэрыі Рыгі і Мінска дамовіліся пра запусу праекта на парытэтнай аснове. Першы «Рыжскi куток» будзе адкрыты на Камароўскім рынку ў Мінску. Прадстаўнікі афіцыйнай дэлегацыі Рыгі на чале з мэрам Нілам Ушаковым у чацвер павінны агледзець месца пад будучы дворык.
Асартымент стэнда — якасныя прадукты. Латвійскія вытворцы не плануюць канкураваць з беларускімі калегамі, яны маюць намер прапанаваць новыя для мінскага рынка тавары, якіх пакуль яшчэ няма на прылаўках крам, бо беларускі бок абараняе сваіх вытворцаў, абмяжоўваючы імпарт.
