На станцыі метро «Інстытут культуры» раніцай 10 красавіка памёр мужчына, паведаміў прэс-сакратар дзяржаўнага прадпрыемства «Мінскі метрапалітэн» Андрэй Кузьмін.
Паводле яго слоў, гэта здарылася ў 8.26. Мужчыне 1962 года нараджэння стала кепска, і ён памёр. Хутчэй за ўсё, прычынай смерці быў сардэчны прыступ.
Гэта ўжо другая смерць у метро на гэтым тыдні. Як паведамлялася, на станцыі «Пралетарская» раніцай 6 красавіка памёр пенсіянер. Мужчына 1932 года нараджэння выйшаў з цягніка, адчуў сябе блага і ўпаў на платформу. Медыкі не здолелі яго рэанімаваць.
0
0
0
0
0
0
