Адна з рэакцый Siri на слова «гей». Скрыншот @levzoloto via Twitter
Галасавы памочнік Siri, усталяваны на мабільных прыладах Apple, перастаў жартаваць са слова «гей» у рускамоўнай версіі, заўважыла РБК.
Талерантная да любых меншасцяў Apple з невядомых прычын запраграмавала рускамоўную Siri на ўспрыманне слова «гей» як нецэнзурнае.
Кампанія не каментуе выпадак.
На пачатку красавіка з абнаўленнем аперацыйнай сістэмы iOS Siri атрымала падтрымку рускай мовы. Карыстальнікі заўважылі адрозненні ў адказах галасавога асістэнта па-руску і па-англійску — пачуццё гумару Siri адаптуецца пад «мясцовыя рэаліі».
У тым жа абнаўленні з’явіліся смайлы для любога колеру скуры, а таксама смайлы, што паказваюць аднаполыя сем’і.
Як і многія кампаніі Крэмніевай даліны, Apple не дыскрымінуе, а хутчэй падтрымлівае супрацоўнікаў нетрадыцыйнай арыентацыі. Генеральны дырэктар кампаніі Цім Кук прызнаўся ў нетрадыцыйнай арыентацыі ў кастрычніку 2014 года.
Глядзіце таксама: Калі б Siri загаварыла па-беларуску
