Калі алкаголь скончыўся, а жаданне выпіць яшчэ не, знаёмыя вырашылі прадаць аўтамабіль «Масквіч», што стаяў у двары суседа.
23-гадовы ўдзельнік здзелкі патэлефанаваў сваім знаёмым, што ёсць машына на продаж.
Знаёмыя прыехалі, машыну паглядзелі.
46-гадовы мужчына распавёў пакупнікам, што гэта яго машына, якая дасталася яму ў спадчыну. Але з-за таго, што на машыне доўгі час ніхто не ездзіў, згубіліся ключы і дакументы на яе.
Пакупнікі паверылі, машыну з другога разу завялі, заплацілі за яе 50 даляраў і з’ехалі.
На наступны дзень у міліцыю патэлефанавалі жыхары вёскі, што жылі па суседстве, і сказалі, што з двара знікла машына, якая належыць чалавеку, што жыве ў Маладзечанскім раёне, а машына проста стаіць на захоўванні.
Супраць двух прадпрымальных мужчын узбуджаная крымінальная справа па артыкуле крадзеж.
Машына вернутая ўладальніку, распавяла «Рэгіянальнай газеце» старшы следчы Валожынскага аддзела Следчага камітэта Юлія Селятыцкая.
