Абноўлены склад беларускага ўрада ўжо шмат зрабіў для нармалізацыі сітуацыі на ўнутраным спажывецкім рынку краіны, аднак працы наперадзе яшчэ дастаткова.
Такое меркаванне выказаў сёння журналістам прэм'ер-міністр Андрэй Кабякоў.
Кіраўнік урада нагадаў, што ў канцы мінулага года адбылося прыкметнае паслабленне валют краін — партнёраў Беларусі, з прычыны чаго рэспубліцы таксама давялося прымаць пэўныя меры па карэкцыі курсу беларускага рубля.
«Ці ўсё зрабіў урад? Вядома, не, — мяркуе прэм'ер. — Задавальненне ад вынікаў пакуль, на жаль, яшчэ не наступіла.
Але, на наш погляд, самае галоўнае, што мы ўсё ж здолелі зрабіць,— гэта тое, што мы прывялі эканоміку ў сітуацыю, калі мы жывем па выніках працы і працуем у адпаведнасці з нашымі магчымасцямі».
Такім чынам, падкрэсліў прэм'ер-міністр, прыведзены ў адпаведнасць фундаментальныя прынцыпы для таго, каб айчынная эканоміка знаходзілася ў адносным балансе і мела магчымасць у далейшым развівацца на здаровай аснове
