Ад 14 да 16 красавіка на палігоне «Брэсцкі» праходзіла тактычнае вучэнне мабільнага батальёна 38-й асобнай гвардзейскай мабільнай брыгады УС Беларусі. У ім узялі ўдзел вайскоўцы парашутна-дэсантнага палка 76-й гвардзейскай дэсантна-штурмавой дывізіі ПДВ УС Расіі (г. Пскоў).
Агульным лікам у вучэннях узялі ўдзел 400 дэсантнікаў, паведамляе «Вечерній Брест». Як паведамляецца, з Расіі для ўдзелу ў вучэннях прыехалі не салдаты тэрміновай службы, а бывалыя кантрактнікі, частка якіх прайшла службу ў гарачых кропках.
Уразіла і экіпіроўка расійскіх дэсантнікаў — комплекс «Ратнік». Шматслойны шлем, які вытрымлівае траплянне пісталетнай кулі з блізкай адлегласці, маска, бронекамізэлька, сістэма «навігацыі» і сувязі, аўтамат, кулямёт або снайперская вінтоўка. Сістэма дазваляе перадаваць інфармацыю пра месцазнаходжанне салдата на полі бою, цеплавізійны прыцэл забяспечвае выяўленне і вядзенне прыцэльнага агню ў любы час сутак, у любое надвор'е. Ёсць актыўныя навушнікі, якія дазваляюць мець зносіны падчас бою … Камбінезон і акуляры абараняюць ад аскепкаў гранат, мін або снарадаў. Распрацоўкі дэсантнага рыштунку вялі дзясяткі расійскіх абаронных прадпрыемстваў.
Штосьці падобнае, толькі без знакаў адрознення, было на «зялёных чалавечках» падчас крымскіх падзей. Побач з расійскімі «трансформерамі» беларускі дэсант у шлемах узору 2-й сусветнай і маскіроўкай з саломы глядзеўся беднавата.
Адпрацоўвалі на палігоне падаўленне «незаконных узброеных бандфармаванняў».
Цяпер чытаюць
«Гэтая партыя прайграная». Беларускія даследчыкі — пра тое, у што ператварылася Акадэмія навук1
«Гэтая партыя прайграная». Беларускія даследчыкі — пра тое, у што ператварылася Акадэмія навук
«Я сказаў на відэа, што мяне не катуюць — на той момант гэта было праўдай. А праз дзве гадзіны мяне збілі». Украінскі журналіст два гады правёў у расійскім палоне — вось што ён перажыў11
Каментары