Фота: Святлана Ісаёнак, TUT.BY
Летні сезон у Батанічным садзе НАН РБ адкрыецца пасля зімовага перапынку 25 красавіка, паведамляе «Мінск-навіны».
У дзень адкрыцця каля Экспазіцыйнай аранжарэі а 13-й і 14-й гадзіне будуць сфармаваныя бясплатныя экскурсіі па ландшафтнай зоне і аранжарэях.
Падчас экскурсій спецыялісты распавядуць пра самыя прыгожыя закуткі батсада ды яго гісторыю, пакажуць калекцыі кветак. Для дачнікаў будзе цікавай выстава дэкаратыўных раслін.
***
Мінскі батанічны сад быў арганізаваны ў 1932 годзе. Ён належыць да ліку найвялікшых у Еўропе па плошчы (153 га) і складзе калекцый (9 тысяч раслін). З 2004 года ў батсадзе працуе аранжарэя з экзатычнымі раслінамі розных кліматычных зон планеты. Унесены ў спіс гісторыка-культурных каштоўнасцей Рэспублікі Беларусь, абвешчаны вольнай ад палення зонай.
