фота з фэйсбука прэзідэнта Грузіі Георгія Маргвелашвілі
Аляксандр Лукашэнка запрасіў прэм'ер-міністра Грузіі Іраклія Гарыбашвілі ў Беларусь, паведамляе прэс-служба грузінскага ўрада ў чацвер, 23 красавіка. Пра гэта Лукашэнка заявіў вечарам на афіцыйнай вячэры ад імя кіраўніка грузінскага ўрада ў Тбілісі.
«Прэм'ер-міністр Грузіі запрасіў Аляксандра Лукашэнкі і ўрадавую дэлегацыю з Беларусі на афіцыйную вячэру. Іраклій Гарыбашвілі таксама падзякаваў прэзідэнту Беларусі за візіт і выказаў надзею на далейшае паглыбленне адносін паміж дзвюма краінамі», - гаворыцца ў паведамленні.
Перад пачаткам афіцыйнай вячэры беларускія госці прадэгуставалі некалькі гатункаў грузінскіх вінаў і атрымалі інфармацыю пра гісторыю грузінскага вінаробства.
Лукашэнка прыбыў у Тбілісі з візітам 22 красавіка. У пятніцу ён кіруецца ў Батумі.
