«Мною прынята рашэнне аб яго адклiканнi», — сказаў ён, адзначыўшы, што зараз рыхтуюцца неабходныя дакументы.
Парашэнка падкрэсліў, што «Мінск цяпер іграе вельмі вялікую ролю ў рэалізацыі замежнай абароннай палітыкі і палітыцы бяспекі».
«Я павінен улічваць гэтую ролю, каб забяспечыць пастаянную прысутнасць Украіны ў Мінску», — дадаў кіраўнік украінскай дзяржавы.
Міхаіл Ежаль быў прызначаны паслом Украіны ў Беларусі ў красавіку 2013 былым прэзідэнтам Украіны Віктарам Януковічам.
Згодна з законам аб ачышчэнні ўлады, прынятым Вярхоўнай Радай Украіны ў верасні мінулага года, пад люстрацыю трапляе і Міхаіл Ежаль, які да свайго прызначэння Надзвычайным і Паўнамоцным Паслом Украіны ў Беларусі з 2010 па 2012 год быў міністрам абароны Украіны, а з 2008 па 2010 год — галоўным інспектарам Галоўнай інспекцыі Міністэрства абароны Украіны.
13 жніўня 2014 стала вядома, што Генеральная пракуратура Украіны прад'явіла падазрэнне былому міністру абароны краіны Міхаілу Ежалю. Ён абвінавачваецца ў нанясенні сваёй дзяржаве шкоды на суму больш за 42 млн грыўняў (больш за 5 млн даляраў на момант меркаванага злачынства).
Абвінавачванні тычацца перыяду працы Ежаля на пасадзе міністра абароны Украіны пры прэзідэнце Віктара Януковіча. Падазрэнне абвешчана ў рамках крымінальнай вытворчасці па фактах падрыву абараназдольнасці арміі.
