Харкаўскі завод сродкаў індывідуальнай абароны вырабляе абшытыя нацыянальным узорам бронекамізэлькі LSV-UKR, распавядае АТН Харкаў.
Ідэя броневышыванкі з’явілася яшчэ ў часы Еўрамайдана — так завод хацеў прадэманстраваць свой патрыятызм у цяжкія для краіны часы.
Пакуль выпушчана 70 броневышыванак. Каля 30 з іх паехала да ўкраінскіх вайскоўцаў пад Луганск. Пэўная частка была падораная актывістам ці прададзеная (грошы з продажу пайшлі на патрэбы ўкраінскага войска).
Броневышыванка можа абараніць ад стрэлу з пісталета, самаробнай зброі ці аскепкаў выбуху. Ад аўтамата Калашнікава яна ўжо не абароніць.
Пасля пачатку маштабных баявых дзеянняў попыт на броневышыванкі ўпаў — зараз купляюць сродкі больш высокага класу абароны. Пасля завяршэння баявых дзеянняў завод плануе падарыць броневышыванкі ўсім вайскоўцам Украіны як сімвал перамогі.
