Украінскі руфер Павел Ушывец, вядомы як Mustang Wanted, удзельнічае ў баях за Шырокіна (20 кіламетраў ад Марыупаля) на баку Нацгвардыі. Адпаведныя фатаграфіі ён размясціў на сваёй старонцы ў Facebook.
Гэтую інфармацыю пацвердзілі ў прэс-службе палка «Азоў» і ўдакладнілі, што Ушывец лічыцца ў іх у званні радавога.
У верасні мінулага года ў Расіі руфера абвясцілі ў міжнародны вышук па справе аб вандалізме на шпілі сталінскага гмаху ў Маскве.
20 жніўня 2014 года ён вывесіў украінскі сцяг на шпілі вышыннага дома на Кацельніцкай набярэжнай у Маскве і размаляваў зорку на будынку ў сіні колер — такім чынам яна стала падобна на сцяг Украіны.
Дарадца кіраўніка МУС Украіны Антон Герашчанка тады заявіў, што ўкраінскі бок выдаваць свайго грамадзяніна не збіраецца.
