Парад нямецкіх жаўнераў у чэрвені 1918 года, ebay.de
Уваход нямецкіх жаўнераў у Менск – люты 1918 года, ebay.de
Жыхары Менска сустракаюць нямецкіх жаўнераў лютым 1918 года, ebay.de
Лютаўскія здымкі можна датаваць дакладна. Лічыцца, што немцы ўвайшлі ў Мінск 21 лютага 1918 г. Таму на здымках, хутчэй за ўсё, менавіта 21 лютага. У гэты ж дзень Радай БНР была выдадзена Першая Устаўная грамата. Праз два дні пад Псковам Чырвоная Армія ў першай сутычцы з кайзераўцамі ўцячэ з поля бою. Бальшавікі 24 лютага пагодзяцца на падпісанне Брэсцкага міру.
«Унікальнасць здымкаў таксама ў тым, — тлумачыць НН Сяргей Харэўскі. – Што такія ракурсы Саборнай плошчы нам невядомыя ўвогуле!
Асабліва, што датычыць здымку чэрвеня 1918 года, дзе відаць падрабязна ўсе дэталі ўжо страчаных будынкаў. А вось адзін здымак, дзе бачна брама цяперашняй Галерэі Савіцкага цікавы тым, што гэты фрагмэнт старога гораду застаўся бяз зменаў да сёння.
Кошты кожнага здымка 1,5 еўра без перасылу. Аўкцыёны сканчаюцца 4 мая.
