Такую думку выказаў старшыня пастаяннай камiсii па заканадаўстве i судова‑прававых пытаньнях ППНС Аляксандар Архiпаў.
Беларусь гатова аб’явіць мараторый на прымяненне смяротнай кары. Такую думку ў гутарцы з карэспандэнтам БЕЛТА выказаў старшыня Пастаяннай камiсii па заканадаўству i судова‑прававых пытаннях Палаты прадстаўнiкоў Нацыянальнага сходу Беларусi Аляксандр Архiпаў. Пры гэтым ён не выключыў неадназначнай рэакцыi грамадства ў выпадку ўвядзення мараторыю на прымяненне смяротнай кары.
«Грамадства, якое на рэферэндуме выказалася за захаванне смяротнай кары, можа не зразумець яе адмены. Нельга, клапоцячыся аб злачынцах, забываць пра пацярпелых, iх родных i блiзкiх», — сказаў парламентарый.
Калi ў 2007 годзе было вынесена толькi 3 смяротныя прыгаворы, то былi гады, калi iх колькасць дасягала 47—48.