Цела васьмікласніка знайшлі пад акном шматпавярховага жылога дома ў Мікашэвічах (Лунінецкі раён) увечары 15 мая.
Паводле папярэдніх звестак, школьнік зваліўся з балкона кватэры на чацвёртым паверсе, дзе пражываў разам з маці і братам. Медыкі канстатавалі смерць падлетка.
Па адной з версій, падлетак здзейсніў суіцыд. У той дзень ён забраў малодшага брата крыху раней са школы.
Паводзіў сябе спакойна, ураўнаважана, а ўжо ўвечары, каля 22.00 яго цела знайшлі пад балконам.
Як паведамілі знаёмыя загінулага, вучыўся ён добра, канфліктаў з аднакласнікамі не было. Паводле інфармацыі абласнога ўпраўлення Следчага камітэта, малады чалавек характарызаваўся станоўча, сям'я шчаслівая.
Прычыны і абставіны здарэння будуць устаноўлены ў ходзе праверкі.
«Апытваюцца сваякі, суседзі і аднакласнікі загінулага, прызначана судова-медыцынская экспертыза», - распавялі ва УСК.
