Расійскія прапагандысцкія пісьменнікі ў чарговы раз выкарыстоўваюць Беларусь у якасці месца дзеяння сваіх твораў. Кніга Аляксандра Афанасьева пад назвай «Беларускі набат» яшчэ не выйшла, але ўжо паспела стаць прадметам абмеркавання ў сеціве пасля публікацыі вокладкі, на якой ёсць і анатацыя да кнігі, якую прыводзім ніжэй.
«2020 год… За 6 гадоў, якія прайшлі з моманту дзяржаўнага перавароту ва Украіне, свет не стаў больш бяспечным. Развязаная ўкраінскімі нацыяналістамі пад патранажам заходніх спецслужбаў грамадзянская вайна пагражае выліцца на тэрыторыю Расіі. Ажывілася і сусветнае тэрарыстычнае падполле з марамі ўзяць рэванш за страту Каўказа.
Сілавыя ведамствы нашай краіны рыхтуюць беспрэцэдэнтныя меры па барацьбе з бандэраўскімі дыверсантамі і міжнародным тэрарызмам. Але вораг збіраецца нанесці ўдар адкуль не чакалі. На гэты раз пад пагрозай апынулася братэрская Беларусь. Сутычка Віктара Сіткова — супрацоўніка Часовай Зводнай Аператыўнай Групы — з падступным усюдыісным ворагам працягваецца…»
Публікацыя кнігі павінна адбыцца ў гэтым годзе, яна ўжо анансаваная на некаторых расійскіх кніжных парталах. Дадзенае выданне з’яўляецца часткай расійскай серыі «Враг у ворот». Сярод твораў гэтай серыі прысутнічаюць кнігі з назвамі «Медаль за город Вашингтон», «Прощай, Америка!», «Бей врага в его логове! Русский десант в Америку», «Гнев Новороссии» і г.д. Пра характар дадзеных твораў можаце судзіць самі.
Дарэчы, кніга з назвай «Беларускі набат» ужо маецца – такую ў 2001 годзе напісаў Дзмітрый Чаркасаў. Шчыра кажучы, гэта таксама той яшчэ шэдэўр. Анатацыя да гэтага твору наступная: «Змоўшчыкі па-ранейшаму не пакідаюць планаў па фізічнай ліквідацыі Прэзідэнта Беларусі. І толькі Улад Рокатаў можа раскрыць іх падступную задуму і выратаваць Кіраўніка Дзяржавы».
Цяпер чытаюць
Філіпенка расказаў, ад колькіх сваіх кніг адмовіўся б і чаму прадаў «Тэслу»2
Каментары