Фота, з якога пачаўся флэшмоб
Аднойчы пацыент мексіканскай лякарні сфатаграфаваў медсястру, якая заснула на працы. Гультайка, зрабіў выснову ён. Праўда, у многіх лацінаамерыканскіх краінах нармальная практыка — прымушаць працаваць маладых спецыялістаў па 36 гадзін, піша BBC.
У падтрымку «гультайкі» мексіканскі лекар Хуан Карлас апублікаваў твіт з хэштэгам #YoTambienMeDormi («Я таксама засынаў»). Хэштэг падхапілі іншыя дактары — у Twitter пачаўся стыхійны флэшмоб.
«Я таксама засынаў, калі апераваў аднога, двух, трох чатырох пацыентаў за змену», — напісаў Карлас.
Ды і ў любой краіне аперацыі могуць цягнуцца значна больш за 8-гадзінны рабочы дзень.
Іншыя дактары і медсёстры, якія засыналі на працы:
Пасля 10 гадзін аперацыі. Фота: @wisalnisar
Пасля 36 гадзін працы. Фота: @Jannahenriquez
Калі пацыент выйшаў з крытычнага стану. Фота: @DanielVelaMD
Камандная работа. Фота: @MundoOpi
Фота: @Yoliz_Fnzk
З такой працай спаць камфортна паўсюль і ў любой позе. Фота: @DrIvanHdez
Сур’ёзна, у любой позе. Фота: @Pajaropolitico
У сэнсе, зусім у любой. Фота: @Freem_Ayalaa
Падушка не абавязковая. Фота: @ChentePepe
Хаця можна і з падушкай. Фота: @AcuarianitaMena
На самой справе, традыцыя фатаграфавання стомленых дактароў не новая. Славутае фота ў 1987 годзе зрабілі калегі польскага кардыёхірурга Збігнева Рэлігі.
Рэліг на пярэднім плане — пасля 23 гадзін паспяховай аперацыі па перасадцы сэрца ён яшчэ мае сілы назіраць за паказнікамі работы новага сэрца пацыента. А вось яго асістэнт — ён на заднім плане ў правым куце.