23 мая ГЦ «Akropolis» у Літве ладзіць чарговы дзень распродажаў «Jamam», а ГЦ «Ogmios miestas» адзначае 4-ы дзень нараджэння на траве, з нагоды чаго ў цэнтры распродажаў «Parkas outlet» будуць дзейнічаць дадатковыя зніжкі і спецыяльныя прапановы, паведамляе vilnia-by.com.
Гандлёвы цэнтр «Ogmios miestas» прапануе таксама і розныя забавы — на пляцоўцы «Šeimos aikštė» можна будзе перакусіць і паслухаць музыку, паглядзець на розныя варыянты актыўнага адпачынку, прыняць удзел у творчых майстэрнях.
Штогадовая вясновая акцыя «Jamam» пройдзе 23 мая ва ўсіх Акропалісах Літвы, у Вільні, Каўнасе, Клайпедзе і Шаўляі.
Сёлета крамы адкрыюцца з 8:00 і будуць працаваць да 23:00. У Віленскім, Клайпедскім і Шаўляйскім Акропалісах бацькі змогуць пакінуць дзяцей у дзіцячым пакоі бясплатна на неабмежаваны тэрмін (пры наяўнасці свабодных месцаў, вядома). У каўнаскім бясплатнымі будуць толькі першыя дзве гадзіны.
