Гродзенскі футбольны клуб аніяк не можа вызваліцца ад фінансавых праблем. Грошы на падтрымку футбалістаў, якім затрымліваюць заробкі, збіраюць ужо заўзятары.
Яшчэ перад стартам сёлетняга чэмпіянату кіраўніцтва пачало вяртаць велізарныя пазыкі, у якія патрапіў клуб.
З пазыкамі разлічыліся, але вось на заробкі новым гульцам грошаў не хапае. Пасля чарговай паразы «жоўта-зялёных» каманда мела вельмі сур'ёзную размову з гродзенскімі заўзятарамі. Размова доўжылася каля 15 хвілін. За гэты час фанаты даведаліся, што футбалістам у чарговы раз не плацяць грошы.
А на пытанне: «Што робіць легіянер ў камандзе?», футбалісты адказалі, што камерунец Бебей атрымаў толькі 1 млн. за ўвесь час свайго знаходжання ў «Нёмане».
Тады фанаты сабралі грошы на харчаванне для Бебея. Разам атрымалася каля 600 тыс. рублёў.