Адмоўнае сальда знешняга гандлю таварамі Беларусі за студзень—красавік 2015 года склала 934,7 млн. долараў ЗША. У студзені—красавіку 2014 года сальда таксама было адмоўным — 604,5 млн. долараў.
Як паведамілі ў Нацыянальным статыстычным камітэце, знешнегандлёвы абарот таварамі за студзень—красавік 2015 года склаў 17 млрд. 934,7 млн. долараў, на 28,4% менш, чым у студзені—красавіку 2014-га. Экспарт у параўнанні з аналагічным перыядам 2014 года скараціўся на 30,5% (да 8 млрд. 500 млн. долараў), імпарт — на 26,5% (да 9 млрд. 434,7 млн. долараў).
Экспарт тавараў у краіны СНД у студзені—красавіку 2015 года паменшыўся на 39,6% (да 4 млрд. 87,5 млн. долараў), імпарт — на 26,3% (5 млрд. 809,6 млн. долараў). Агульны тавараабарот з краінамі СНД скараціўся на 32,4% (да 9 млрд. 897,1 млн. долараў). Адмоўнае сальда ў гандлі з краінамі СНД склала 1 млрд. 722,1 млн. долараў. У студзені—красавіку 2014 года адмоўнае сальда з СНД складала 1 млрд. 110,9 млн. долараў.
Экспарт тавараў у Расію за чатыры месяцы гэтага года знізіўся на 37,5% і склаў 3 млрд. 98,5 млн. долараў, імпарт — на 23,7% да 5 млрд. 482,3 млн. Сальда, як і ў студзені—красавіку 2014 года, было адмоўным (2 млрд. 383,8 млн. і 2 млрд. 222,7 млн. долараў адпаведна). Агульны тавараабарот з Расіяй ацэньваецца Белстатам у 8 млрд. 580,8 млн. долараў (на 29,3% менш).
Экспарт у краіны Еўрапейскага саюза знізіўся на 23,6% да 3 млрд. 140 млн. долараў, імпарт — на 38,2% да 1 млрд. 791,9 млн. долараў. Тавараабарот знізіўся на 29,7% да 4 млрд. 931,9 млн.
Сальда гандлю таварамі з краінамі ЕС у студзені—красавіку 2015 года станоўчае — 1 млрд. 348,1 млн. долараў (у студзені—красавіку 2014-га — 1 млрд. 211,3 млн.).
