Міністэрства ўнутраных спраў Беларусі ад імя Ігара Шуневіча ўзнагародзіла 8-гадовага слуцкага школьніка нагрудным знакам «За садзейнічанне».
Вучань другога класа сярэдняй школы №6 горада Слуцка Ягор Кур'ян у канцы мая здзейсніў учынак, годны сапраўднага мужчыны. Неяк вяртаючыся са школы, Ягор стаў сведкам здзяйснення злачынства — дарослы мужчына напаў на яго аднакласніцу і пацягнуў дзяўчынку да лесапасадкі. Ягор не ўцёк, а стаў гучна клікаць на дапамогу — на яго крыкі прыбеглі двое работнікаў КУП «Слуцкае ЖКГ», якія і затрымалі злачынцу.
Раней Ягора Кур'яна на школьнай лінейцы адзначылі і супрацоўнікі слуцкай міліцыі — праваахоўнікі ўручылі школьніку смартфон.
0
0
0
0
0
0
