Людзі выступілі супраць абстрэлаў, што ладзяцца пад іх вокнамі.
Насупраць будынка Аблдзяржадміністрацыі, у якім месціцца кіраўніцтва «ДНР», сабраліся каля 500 чалавек. Яны выкрыкваюць антываенныя лозунгі, паведамляе «Новая газета». Пратэстоўцы перакрылі цантральную вуліцу Данецка — вуліцу Арцёма.
«Спыніце вайну!», «Вярніце нам жытло, у нас разбілі дамы», «Сыдзіце ўсе!», — крычаць жыхары Данецка.
Паведамляецца, што асноўная частка мітынгоўцаў прадстаўляе пасёлак Кастрычніцкі — раён на поўначы Данецка, блізкі да аэрапорта.
Асноўнае патрабаванне мітынгоўцаў — прыпыненне сепаратыстамі абстрэлаў, што ладзяцца з жылых кварталаў і выклікаюць агонь узброеных сіл Украіны па мірным насельніцтве.
Толькі ўчора ў пасёлку Кастрычніцкім былі параненыя дзесяцёра, за тыдзень загінулі два чалавекі.
Людзі пачалі збірацца каля 11-й раніцы, паліцыя «ДНР» не разганяе мітынг і «выглядае разгубленай». Каля 13:30 да пратэстоўцаў выйшаў Аляксандр Захарчанка, кіраўнік «ДНР». Ён абяцае жыхарам разбураных дамоў перасяленне ў бяспечныя месцы. Пратэстоўцы пачынаюць разыходзіцца.
А 4-й гадзіне на стыхійным мітынгу засталося каля 30 чалавек.
Гэта першы падобны пратэст за час вайны. Усе ранейшыя малалікія акцыі пратэсту супраць баевікоў расійскім спецслужбам удавалася хутка нейтралізаваць.
Цяпер чытаюць
Што здарылася з выкладчыкам БНТУ Міхаілам Шчукіным, які памёр пры затрыманні. Версія міліцыі12
Каментары