У Мінску аблілі фарбай BMW X5. Магчыма, за стылізаваны трыкалор ФОТА
На мыйцы кажуць, што апошнім часам у Мінску дастаецца аўтамабілям з расійскай сімволікай.
Аўтамабіль BMW X5 у Мінску стаў ахвярай невядомага нападніка. Чорны аўтамабіль, які стаяў у сталічным двары на Ігуменскім тракце, нехта абліў белай фарбай.
Па словах кіроўцы, якія пераказвае onliner.by, BMW быў прыпаркаваны па правілах і нікому не перашкаджаў. Сябры кіроўцы выказалі меркаванне, што аўтамабіль абліла фарбай пакрыўджаная прыхільніца. А работнікі мыйкі мяркуюць, што нехта мог адрэагаваць такім чынам на падвеску, якая вісела пад лабавым шклом, — пяцярня ў колерах расійскага сцяга. «Кажуць, дастаецца ў гэты час аўтамабілям з падобнай сімволікай: георгіеўскімі стужачкамі, налепкамі накшталт «Дзякуй дзеду за перамогу!», расійскімі сцягамі», — паведаміў кіроўца.
Паветраная гімнастка паказала закуліссе працы ў Белдзяржцырку7
Каментары