На скрыншоце ўключэнне функцыі «Undo Send» у наладах пошты на настольным камп’ютары
Ад 23 чэрвеня карыстальнікі Gmail могуць праз пэўны адрэзак часу па адсылцы скасаваць ліст, распавядае The Next Web.
На самой справе, адасланыя лісты не знішчаюцца — проста адсылка адкладаецца на пэўны час па націсканні кнопкі «Адаслаць».
Карыстальнікі Gmail (але пакуль не Inbox, новага паштовага сэрвісу Google) могуць абіраць час, за які ліст можна «вярнуць». Максімальны час — 30 секунд. Функцыя будзе карысная тым, хто заўважае апіскі і памылкі, калі ўжо адаслаў ліст, а таксама тым, хто вырашыў прызнацца ў каханні праз электронную пошту.
Функцыя адмены адсылкі лістоў была даступная сярод эксперыментальных функцый (раздзел «Labs» у наладах) з сакавіка 2009 года. Цяпер функцыя прылічаная да афіцыйных магчымасцей Gmail і можа быць уключаная ў асноўным раздзеле наладаў.
Не забывайце: «У вас маглі скрасці пароль ад пошты», — кажуць яны і крадуць пароль
