У Цэнтральнай кнігарні прадаюць магніты з выявай Сталіна ФОТАФАКТ
Я вельмі часта наведваю Цэнтральную кнігарню па адрасе г. Мінск, пр. Незалежнасці, 19, якіая знаходзіцца недалёка ад ГУМа. Не так даўно заўважыў, што сярод сувенірнай прадукцыі, якая прадаецца ў краме, маюцца магніты на халадзільнік з выявай Іосіфа Сталіна.
Думаю, не варта нагадваць, што колькасць ахвяр сталінскіх рэпрэсій вылічаецца мільёнамі, у тым ліку колькасць ахвяр сярод беларусаў паводле сціплых ацэнак дасягае 100 000 чалавек. У выніку палітыкі Сталіна былі рэпрэсаваныя каля тысячы беларускіх дзеячаў культуры, навукі, мастацтва і г.д. Таму сам факт наяўнасці ў продажы ў крамах Беларусі прадметаў, якія праслаўляюць асобу Сталіна, з'яўляецца абсалютна амаральным.
Мы звярталіся з гэтым да кіраўніцтва крамы, а кіраўніцтва ў сваю чаргу патлумачыла факт наяўнасці дадзеных сувеніраў ў продажы тым, што яны «карыстаюцца папулярнасцю ў іншаземцаў», «гэта наша гісторыя» і «нас здзіўляе, што вы выказваеце сваю незадаволенасць», не падабаецца, маўляў, ідзіце ў іншую краму.
Хацелася б заклікаць неабыякавых да гэтага выпадку людзей прыходзіць у краму і выказваць сваю незадаволенасць, пісаць заўвагі ў кнігу скаргаў і прапаноў да таго часу, пакуль сувеніры з выявай Сталіна не будуць выключаныя з продажу.
-
Карбалевіч адказаў, хто з атачэння Лукашэнкі мог бы яго замяніць і чаму не верыць у пераемніка Колю
-
Славацкі палітолаг, былы кіраўнік амерыканскага фонду PACT лабіруе збліжэнне з Лукашэнкам
-
«Усе мы будзем жыць горш, бядней, з адкатам на 30-40 гадоў назад». Як свет незваротна ідзе да зусім іншай рэальнасці
Каментары