У Гродне 23-гадовая маці здзейсніла сэксуальны гвалт над 7-гадовым сынам
У Гродне затрымана 23-гадовая мясцовая жыхарка за гвалтоўныя дзеянні сэксуальнага характару ў дачыненні да малалетняга сына, а таксама выраб і распаўсюд у інтэрнэце порнаматэрыялаў з яго удзелам.
Падчас аператыўна-вышуковых мерапрыемстваў супрацоўнікі галоўнага ўпраўлення па наркакантролі і супрацьдзеянні гандлю людзьмі МУС сумесна з калегамі з УУС аблвыканкама затрымалі жыхарку Гродна.
З выкарыстаннем вэб-камеры жанчына ў сябе дома вырабіла і распаўсюдзіла ў інтэрнэце відэаролік з элементамі дзіцячай парнаграфіі. У ім адлюстраваны гвалтоўныя дзеянні сэксуальнага характару, учыненыя жанчынай у дачыненні да малалетняга сына 2008 нараджэння.
Распачатыя крымінальныя справы па ч.3 арт.167 КК (гвалтоўныя дзеянні сэксуальнага характару, учыненыя ў дачыненні да заведама малалетняга), якая прадугледжвае пакаранне ў выглядзе пазбаўлення волі тэрмінам ад 8 да 15 гадоў, і ч.3 арт.343-1 КК (выраб і распаўсюд парнаграфічных матэрыялаў або прадметаў парнаграфічнага характару з выявай заведама малалетняга), якая прадугледжвае пакаранне ў выглядзе пазбаўлення волі тэрмінам да 13 гадоў з канфіскацыяй маёмасці.
Цяпер чытаюць
Арыштаваны дырэктар Палаца Рэспублікі, адзін з арганізатараў Марафона адзінства10
Каментары