Дзмітры Мядзведзеў сустракаўся з прэм'ер-міністрам Славеніі Міраславам Цэрарам. Расія хацела б прыцягнуць Любляну да ўдзелу ў газаправодзе «Турэцкі паток», каб праз яе газ ішоў у Італію і Аўстрыю.
Славенія пакуль раздумвае.
Традыцыйна на палітыку гэтай 2-мільённай славянскай краіны ўплываюць бізнэс-колы, якія маюць вялікія інтарэсы ў Расіі.
У свой час менавіта маленькая Славенія заблакавала рашэнне Еўрасаюза пра ўзмацненне санкцый супраць лукашэнкаўцаў. Як пісала славенская газета «Дзела», на гэта паўплывала славенская будаўнічая кампанія, якая мела кантракты з «Трайплам» беларускага мультымільянера Чыжа.
На прэс-канферэнцыі Мядзведзеў і Цэрар абодва заявілі пра важнасць захавання тэрытарыяльнай цэласнасці Украіны, але Мядзведзеў пры гэтым дадаў, што трэба ўлічваць рашэнне Крыма пра далучэнне да Расіі, паведамляюць расійскія інфармацыйныя агенцтвы.
