Невядомае раней фота з Вацлавам Ластоўскім? Прадаецца за 7,5 мільёна рублёў. Але…
На беларускім інтэрнэт-аўкцыёне ay.by прадаецца фотаздымак, на якім, сцвярджае прадавец, прысутнічае вядомы беларускі дзеяч Вацлаў Ластоўскі.
Фота зроблена ў 1917 г. пскоўскім фатографам Анерыкам. На здымку вайсковыя чыноўнікі, чыгуначнікі і некалькі цывільных асобаў стаяць пад харугваю з надпісам «Пскоў-Полацкая ваенная чыгунка». На фота прысутнічае Вацлаў Ластоўскі, упэўнены прадавец.
Здымак памерам 24х30,3 см наклеены на кардон. Уладальнік фота ацаніў яго ў 7,5 мільёна рублёў. Праўда, пакуль што максімальная стаўка складае ўсяго толькі 1,5 мільёна.
Гісторык Алесь Пашкевіч пацвердзіў, што адзін з мужчынаў сапраўды вельмі падобны да Ластоўскага, калі параўнаць здымак з фатаграфіямі з выдання «Архівы БНР».
Але… Гэта не можа быць ён, бо Ластоўскі ў гэты час знаходзіўся ў Вільні, па іншы бок нямецка-расійскага фронту.
Нагадаем, што ў маі на аукцыёнах прадавалася фота іншага славутага беларуса Яўхіма Карскага. Кошт лота дасягаў 37 мільёнаў рублёў. Такія грошы быў, нібыта, гатовы заплаціць купец з Расіі. Праўда, раней пакупкі на аўкцыёне ён не рабіў, магчыма, гэта быў фэйкавы карыстальнік, бо аукцыён завяршыўся тым, што лот быў зняты з таргоў прадаўцом.
Калега памерлага выкладчыка Шчукіна: Яго кінула жонка з дзецьмі, пачалася дэпрэсія. У выніку звольнілі за прагулы9
Каментары