У гарах Каўказа разбіўся беларускі альпініст Уладзімір Сіроцін
Сёння яго цела павінны прывезці ў Беларусь.
На мінулым тыдні пры ўзыходжанні на гару Джангітаў у Кабардзіна-Балкарыі загінуў беларускі альпініст. Гэта быў 64-гадовы Уладзімір Сіроцін, вядомы і як фатограф.
Сіроцін — фізік па адукацыі. Але любіў падарожжы. І больш за 30 гадоў займаўся альпінізмам. Ён падымаўся на вяршыні Каўказа і Паміра, хадзіў у лыжныя паходы па Урале і Кольскім паўвостраве. І пастаянна браў з сабой камеру. Да 60-годдзя, у 2011, ён зладзіў фотавыставу «Горы поўначы і поўдня».
Сёлета Уладзімір адправіўся ў горы проста з воднай вандроўкі па Віліі шляхам Тышкевіча. Як расказалі знаёмыя, 4 жніўня ён ужо меркаваў вярнуцца ў Беларусь. Так сталася, што акурат 4 жніўня павінны прывезці ў Мінск яго цела.
Муж Сямашкі быў не адзіным, хто атрымаў пашпарт прыкрыцця 13 лютага 2018 года39
Каментары