Расія пашырыла спіс краін, у дачыненні да якіх дзейнічае прадуктовае эмбарга. Адпаведную пастанову падпісаў прэм'ер-міністр Дзмітрый Мядзведзеў.
Санкцыі распаўсюджаныя на Албанію, Чарнагорыю, Ісландыю і Ліхтэнштэйн. Украіна ў спісе значыцца «на асаблівых умовах».
Абмежаванні на ўвоз прадукцыі з Украіны ўступяць у тым выпадку, калі пачне дзейнічаць пагадненне аб асацыяцыі з Еўрасаюзам.
«Далучэнне іншых краін да санкцый азначала іх гатоўнасць да захадаў у адказ Расіі», — патлумачыў Мядзведзеў.
У канцы ліпеня Чарнагорыя, Албанія, Ліхтэнштэйн, Ісландыя і Украіна далучыліся да падоўжаных ў дачыненні да Расеі санкцый Еўрасаюза.
0
0
0
0
0
0
