15 жніўня ў рыма-каталікоў і грэка-каталікоў — Прачыстая (Унебаўзяцце Найсвяцейшай Панны Марыі).
У гэты дзень свяцяць кветкі і зёлкі.
Урачыстасць Унебаўзяцця Найсвяцейшай Панны Марыі — гэта поўная назва свята ў рыма-каталікоў — з’явілася ў V ст. Грэка-каталікі называюць гэтае свята Успеннем Найсвяцейшай Багародзіцы. У народзе ж замацаваліся назвы Прачыстая або Спленне.
Свята належыць да ліку «гадавых», «абавязковых» святаў.
У Польшчы гэты дзень ёсць дзяржаўным святам: у памяць пра перамогу над бальшавікамі пад Варшавай у 1920 годзе. Як лічыцца, той цуд здзейсніла заступніцтва Божай Маці.
Праваслаўныя Спленне адзначаюць 28 жніўня.