Фіналіста «Заспявай 2.0» vegetables падтрымае новы праект Тані Гарошкі Take the Cookies
22 жніўня ў дворыку на плошчы Свабоды, 4 выступіць індзі-электронны гурт vegetables пры падтрымцы Take the Cookies — танцавальнага праекту Тані Гарошкі з Tanin Jazz.
Vegetables удзельнічалі ў намінацыі «Паэзія» конкурсу «Заспявай 2.0» з песняй «Рэха», якую напісала вакалістка гурту — 19-гадовая Света Варапай. Нягледзячы на малады век, музыкі ўжо маюць тры альбомы і намінацыю «Індзі-поп/электроніка» на ўзнагародах Experty.by па выніках 2014 году, а цяпер прэтэндуюць на перамогу ў «Заспявай 2.0».
Госцем гэтага вечару стане гурт Take the Cookies. Гэта новы праект Таццяны Гарошкі з Tanin Jazz. Take the Cookies — праект танцавальны, свой стыль вызначае як «ню-дыска». Ужо запісана некалькі кампазыцыяў, якія разышліся па радыёстанцыях Італіі, Іспаніі, Нідэрландаў і ЗША. Гурт нядаўна выступіў на Mirum Festival ля Мірскага замка, а цяпер збіраецца зладзіць танцавальную вечарыну ў дворыку на плошчы Свабоды.
Па выніку летніх канцэртаў маладых выканаўцаў будуць вызначаныя пераможцы конкурсу «Заспявай 2.0», які праводзіць партал Tuzin.fm і фонд «Вяртаньне» пры падтрымцы кампаніі «Будзьма беларусамі!». Прызавы фонд конкурсу складае 1000 еўра.
***
22.08 (субота). 20:00. Тэраса кавярні Chill-Out (плошча Свабоды, 4). Vegetables і Take the Cookies (праект Tanin Jazz). Квіткі — у касах Kvitki.by і анлайн. Кошт: 80 000 — 120 000.
